Komuna e Gjakovës ndanë mirënjohje për gratë që dhanë kontribut në shumë fusha

Gjakova

Komuna e Gjakovës ndanë mirënjohje për gratë që dhanë kontribut në shumë fusha

Më: 8 mars 2022 Në ora: 14:00
Ardian Gjini

Kryetari i Komunës së Gjakovës, Ardian Gjini bashkë me kryesuesen e Kuvendit ka ndarë mirënjohje për disa gra të fuqishme dhe me kontribut të çmuar në fusha të ndryshme, në të mirën dhe zhvillimin e vendit.

“Sot në ditën ndërkombëtare të gruas, kryetari i komunës së Gjakovës Ardian Gjini bashkë edhe me kryesuesen e Kuvendit të Komunës Arbëresha Kuqi, kanë takuar dhe në emër të komunës së Gjakovës, kanë ndarë mirënjohje për disa nga gratë më të fuqishme dhe me kontribut të çmuar në fusha të ndryshme, në të mirë dhe zhvillim të vendit tonë.

Në këtë ditë të shënuar për to, përpos urimeve dhe dëshirave më të mira, kryetari Gjini mes tjerash ka thënë se nuk duhet të harrojmë që gruaja është një shtyllë e fuqishme e përparimit dhe avancimit të popullit dhe shtetit dhe përkundër përmirësimit të dukshëm të gjendjes së gruas sot, na mbetet ende punë për të bërë që gruaja të vazhdojë të përfaqësohet edhe më mirë në rrethin tonë shoqëror.

Urimet më të përzemërta, për nënat, motrat dhe gratë tona!”, ka njoftuar komuna.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat