PDK është përcaktuar për balotazhin në Gjilan

Gjilani

PDK është përcaktuar për balotazhin në Gjilan

Më: 10 nëntor 2021 Në ora: 23:01
PDK

PDK është përcaktuar shumë qartë se cili është qëndrimi publik për balotazhin në Gjilan

Partia Demokratike e Kosovës dega në Gjilan me kohë është përcaktuar lidhur me qëndrimin e saj, për raundin e dytë të zgjedhjeve për kryetar të komunës.

Askush nga jashtë, nuk ka nevojë me ia qajtë hallin PDK-së në Gjilan, e aq më pak ata që në momentin vendimtar për PDK-në, u tërhoqën nga strukturat e degës.

Frika nga fitorja e njërit kandidat për kryetar të komunës, nuk egziston në mesin e askujt në strukturën e PDK-së në Gjilan.

Qasja tepër e ndryshme e dy kandidatëve për kryetar të Gjilanit, ndaj subjekteve tjera politike dhe ndaj strukturës tonë në degën e PDK-së, normalisht që i ka dhënë frymë fitores së njërit nga kandidatët për kryetar.

Subjekti i VV aspak nuk ka qenë serioz në komunikimin me ne dhe në kërkesën e tyre ndaj nesh si subjekt politik, për ta përkrahur kandidatin e tyre për kryetar të Gjilanit.

Ndërsa LDK, që nga fillimi ka pasur qasje serioze dhe përkushtim për të marr përkrahjen tonë si subjekt politik, për kandidatin e tyre për kryetar të Gjilanit.

Ne, jemi në komunikim të vazhdueshëm dhe në bashkëpunim të plotë me të gjitha strukturat e degës së PDK-së në Gjilan. Ata janë plotësisht të lirë, të përcaktohen se cilin kandidat ta përkrahin dhe ta votojnë për kryetar të Gjilanit.

Qëndrimi neutral i yni si PDK në këtë garë, normalisht që kandidatit të LDK-së për kryetar të Gjilanit iu ka përshtatur, sepse me qasjen e tij gjatë kësaj fushate ka arritur maksimalisht të merr përkrahjen nga strukturat tona në teren.

PDK në Gjilan dhe strukturat e saj, nuk mund të ndikohen dhe orientohen nga dy ish kryetarët e degës së PDK-së.

I pari ish kryetar i degës, i ka bërë tepër shumë dëme PDK-së në Gjilan në një periudhë kur PDK qeveriste me komunën dhe bënte punë të mëdha për Gjilanin dhe ai dezertoi në VV.

E i dyti ish-kryetar, sikur ta kishte durimin e tij, sot do të ishte ende në krye të degës së PDK-së dhe do ta bënte luftën e tij politike kundër njërit kandidat dhe të punonte më lehtë për tjetrin kandidat.

Tani, PDK në Gjilan ka prioritet të vetëm dhe që është në fillimin e një reforme të thellë të strukturave të saj, si mundësi e vetme për ta fituar Gjilanin në të ardhmen me besimin e qytetarëve tanë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat