Arrestohen dy persona në Gostivar, dyshohen për tregti me njerëz

Gostivari

Arrestohen dy persona në Gostivar, dyshohen për tregti me njerëz

Më: 17 shkurt 2022 Në ora: 12:17
Foto ilustrim

Ministria e Punëve të Brendshme njofton se dje në ora 18:40 është privuar nga liria J.R. (44) nga Gostivari, pasi gjatë kontrollit të një automjeti të pasagjerëve “BMW” me targa të Gostivarit, të cilin po e drejtonte, janë gjetur katër emigrantë të paligjshëm nga Pakistani, njoftoi MPB.

“Në ora 20:10 në vendin e quajtur Ostrovë, afër Negotinës, janë zbuluar edhe pesë migrantë të paligjshëm nga Pakistani, të cilët paraprakisht ishin transportuar me automjetin “BMW”.

Ndërsa nga liria është privuar E.M. (28) nga nga fshati Vrapçishtë. J.R. dhe E.M. janë ndaluar në stacionin policor.

Dhe në një bisedë zyrtare kanë pranuar se të dy kanë marrë pjesë në pritjen dhe transportimin e emigrantëve të paligjshëm”, theksojnë nga MPB-ja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat