Dy shtëpi janë përfshirë nga zjarri në lagjen “Kodra e Trimave”, në Prishtinë, pasditen e sotme.
Përveç dëmeve materiale nuk raportohet për të lënduar.
Zjarri është lokalizuar nga ana e zjarrfikësve ndërkohe që njësitet policore janë duke u marr me rastin.
Këtë e ka konfirmuar zëdhënësja e Policisë në Rajonin e Prishtinës, Flora Ahmeti.
“Rreth orës 14:00 kemi pranuar informatën për një rast zjarri në lagjen Kodra e Trimave në Prishtinë. Menjëherë në vendin e ngjarjes kanë dalë njësitet e nevojshme policore dhe zjarrfikësit. Nga zjarri janë përfshire dy shtëpi, nuk ka persona të lënduar. Zjarri është lokalizuar nga ana e zjarrfikësve ndërkohe që njësitet policore janë duke u marr me rastin”, ka thënë Ahmeti.
