Një aksident komunikacioni ka ndodhur sot pasdite në lagjen ‘Ulpiana’, më saktë afër semaforëve te Posta e Kosovës.
Rastin e ka konfirmuar për Indeksonline, zëdhënësja e Policisë për rajonin e Prishtinës, Flora Ahmeti, sipas të cilës, një këmbësor është goditur nga vetura.
‘“Rreth orës 16:30 jemi marrë informatën për një aksident në rrugën ‘Bulevardi i Dëshmorëve’ në lagjen Ulpiana, ku një veturë në lëvizje e ka goditur një këmbësor. Si pasojë e aksidentit një 37 vjeçar V.K, ka marrë lëndime të lehta trupore”, ka thënë Ahmeti.
Ajo ka bërë të ditur se këmbësori menjëherë është dërguar për trajtim mjekësor.
