Plagosi një person gjatë të shtënave në aheng, kërkohet paraburgim - Bota Sot
Plagosi një person gjatë të shtënave në aheng, kërkohet paraburgim

Kronikë e zezë

Plagosi një person gjatë të shtënave në aheng, kërkohet paraburgim

Më: 18 janar 2019 Në ora: 17:45
Foto ilustrim

Prokuroria Themelore në Gjilan, sot në Gjykatën kompetente në Gjilan, ka paraqitur kërkesën për caktimin e masës së paraburgimit, ndaj të dyshuarit I.A., i cili nga pakujdesia ka shkaktuar rrezik të madh për jetën e njerëzve, në atë mënyrë që i pajisur me armë, gjatë një ahengu familjar.

Sipas prokurorisë, dyshohet se i dyshuari ka kryer veprën penale më 17 janar, në fshatin Sodovinë e Qerkezëve, komuna e Vitisë.

“Në ahengun ku kanë qenë të pranishëm shumë njerëz, e nxjerrë armën nga brezi dhe shkrep brenda dhomës, me ç’rast edhe ka goditur një herë me një predhë të dëmtuarin S.B., në krahun e majtë dhe në pjesën e pasme të shpatullës së majtë, i cili për shkak të lëndimeve të rënda trupore është dërguar për tretman mjekësor në Spitalin Regjional në Gjilan. Gjithashtu, i dyshuari, pa autorizim dhe në kundërshtim me ligjin e zbatueshëm për armët, ka mbajtë në pronësi armë zjarri, e cila edhe është sekuestruar nga policia”, thuhet në komunikatë.

Prokuroria ka propozuar masën e paraburgimit, me qëllim të sigurimit të kushteve sa më normale për zhvillim e procedurës penale, për të cilën pritet që brenda afatit ligjor të vendosë Gjykata Themelore në Gjilan.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...