Në rrugën “Mbretëresha Teutë”, në Mitrovicë të mërkurën janë dëgjuar të shtëna me armë zjarri.
“Njësitet policore pas pranimit të informatës për të shtëna me armë zjarri nga një i dyshuar mashkull, kanë dalë në vendin e ngjarjes dhe kanë gjetur e konfiskuar dy gëzhoja, ndërsa i dyshuari ka ikur nga vendi i ngjarjes”, thuhet në raportin policor.
Njësitet policore kanë arritur që ta arrestojnë personin e dyshuar dhe nga i njëjti është sekuestruar një pistoletë.
Me vendim të prokurorit, i dyshuari pas intervistimit është liruar në procedurë të rregullt.