Përplasje fatale, humbet jetën babai shqiptar i tre fëmijëve - Bota Sot
Përplasje fatale, humbet jetën babai shqiptar i tre fëmijëve

Kronikë e zezë

Përplasje fatale, humbet jetën babai shqiptar i tre fëmijëve

Më: 16 shkurt 2019 Në ora: 22:27
Foto ilustrim

Një aksident i rëndë i ka marrë jetën një 40-vjeçari shqiptar, baba i tre fëmijëve. Ngjarja ka ndodhur në rajonin Riviera Berica të Italisë. Sipas mediave italiane, shqiptari udhëtonte me një automjet Volkswagen Golf që u përplas me një Mercedes GLC.

Përplasja mes dy automjeteve ishte e fortë, gjë që i shkaktoi vdekjen e menjëhershme 40-vjeçarit shqiptar. Ndërsa shoferi i Mercedesit mbeti i plagosur në gjendje të rëndë. Ky i fundit është pronar i një karburanti në atë zonë, ndërsa shqiptari ishte banor në po të njëjtën zonë. Hetuesit thonë se shkak i aksidentit ka qenë një parakalim i gabuar i një prej automjeteve.

Qarkullimi në këtë segment rrugor u bllokua për disa orë për shkak të aksidentit të rëndë, ndërsa lëvizja e mjeteve u orientua në një rrugë dytësore. Identiteti i shqiptarit që humbi jetën në aksident nuk është bërë publik, por mediat italiane raportojnë se ai ishte me profesion punëtor.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...