Policia e Kosovës ka arrestuar një nxënës në Vushtrri pasi gjatë kontrollit i janë gjetur një revole, një karikator me dy fishekë, një boks i hekurit dhe një thikë.
Sipas njoftimit të policisë, kontrolli i nxënësit ishte bërë pasi ai ishte ndaluar jashtë hapësirës shkollore.
Me vendim të prokurorit i dyshuari është dërguar në mbajtje.
Policia e Kosovës thotë se ky aksion ishte rezultat i bashkëpunimit me autoritetet e arsimit.