Arrestohen gjashtë persona, gjobiten pronarët dhe mbyllen shtatë lokale - Bota Sot
Arrestohen gjashtë persona, gjobiten pronarët dhe mbyllen shtatë lokale

Kronikë e zezë

Arrestohen gjashtë persona, gjobiten pronarët dhe mbyllen shtatë lokale

Më: 14 prill 2019 Në ora: 14:47
Foto ilustrim

Policia e Drejtorisë Rajonale të Pejës në bashkëpunim me inspektoratin e Komunës, gjatë ditës së djeshme kanë zbatuar një plan operativ, ku inspektuan lokalet të cilat dyshohej se nuk i përmbushnin obligimet ligjore për veprimtari që kryenin.

Sipas Policisë gjatë këtij aksioni, janë bastisur 10 lokale, dhe nga inspektorët komunal janë shqiptuar 7 gjoba për mos respektim të orarit të punës dhe dokumentacion jo të rregullt, janë kontrolluar të gjithë personat që ishin prezent në lokalet e bastisura.

“Gjatë këtij operacioni po ashtu janë kontrolluar dhe verifikuar dhjetëra automjete, ndërsa 6 (gjashtë) persona janë sjellë në stacionin policor Pejë”.

“Nga këta persona 4 (katër) të gjinisë femërore shtetase të Shqipërisë të cilat pas verifikimit nga hetimet kundër prostitucionit janë liruar, janë iniciuar 2 (dy) raste për veprën penale ‘Mbajtje ne pronësi, ne kontroll, posedim te pa autorizuar te armës‘, dhe ‘ posedim i narkotikeve‘”.

“Me urdhër të prokurorit të shtetit personi i dyshuar është dërguar në ndalim policor, për të vazhduar me procedura të mëtutjeshme”, thonë nga Policia.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...