Policia e Tiranës ka ndaluar në orët e fundit një 71 vjeçar, i cili u filmua duke kryer akte të turpshme me një të mitur në ambiente publike.
Personi i ndaluar është identifikuar me inicialet H. M, dhe do të akuzohet për për veprat penale: "Marrëdhënie seksuale apo homoseksuale me të mitur", "Ngacmim seksual" dhe " Vepra të turpshme".
H. M u filmua nga emisioni “Stop” pranë Lanës në zonën e Urës së Tabakëve duke kryer veprime të turpshme me një te mitur.
Policia e Tiranës
Specialistët për Hetimin e Krimit në Komisariatin e Policisë Nr. 2, kanë ndaluar 71-vjeçarin H.M., për veprat penale "Marrëdhënie seksuale apo homoseksuale me të mitur", "Ngacmim seksual" dhe " Vepra të turpshme"
Ai shfaqet në disa pamje duke tentuar të kryejë marrëdhënie me një të mitur.
Policia ka kryer të gjitha veprimet procedurale, përfshirë marrjen e dëshmisë së të miturit në prani të prindit e psikologut si dhe sekuestrimin e pamjeve filmike.