Policia e Elbasanit ka finalizuar operacionin “Motoçikleta” ku në pranga përfundoi një 16 vjeçar, ai autor i dyshuar për një sërë vjedhjesh të ndodhur në Elbasan.
Policia bën me dije se nën cilësinë e provës materiale një motoçikletë dhe pjesë të ndryshme të motoçikletave.
I arrestuari është shtetasi R.P., 16 vjeç, banues në Elbasan.
“Arrestimi i tij u bë pasi në lagjen " 28 Nëntori" Elbasan, ka tentuar të vidhte një motoçiklet të parkuar në rrugë, por është pikasur nga shërbimet e Policisë.
Nga veprimet hetimore të kryera dyshohet se ky shtetas është autorë dhe i 3 vjedhjeve të tjera, pasi në kohë dhe vende të ndryshme realizonte vjedhje të motoçikletave në qytetin e Elbasanit.
Gjatë kontrollit të ushtruar në banesën e tij, policia gjeti dhe sekuestroi në cilësinë e provave materiale : një motoçiklet dhe pjesë të ndryshme të motoçikletave”,- njofton policia.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.