Kanë dalë sot para gjykatës së Shkodrës 5 personat nga Malësia e Madhe të arrestuar për 205 kg drogë.
Operacionit policor antidrogë i koduar "Prekalori" u zhvillua në datën 3 korrik.
Nga operacioni u arrestuan:
•Z. K., 53 vjeç, banues në Malësi të Madhe, i dënuar më parë në Mal të Zi për trafik narkotikësh. (kryetar i grupit të strukturuar kriminal);
•G. M., 31 vjeç, banues në Malësi të Madhe, i dënuar më parë për veprën penale “Dhënia e ndihmës për kalim të paligjshëm të kufirit shtetëror”. (bashkëpuntori kryesor i kryetarit të grupit);
•K. M., 28 vjeç, banues në Malësi të Madhe (anëtar);
•E. H., 29 vjeç, banues në Malësi e Madhe (anëtar);
•Xh. D., 21 vjeç, banues në Malësi të Madhe (anëtar).
Arrestimi i shtetasve të mësipërm është kryer pasi në bashkëpunim me njëri - tjetrin po kryenin shkëmbimin e lëndës narkotike, me qëllim përfitimin.
Sasia e lëndës narkotike është gjetur në një furgon, në prani të shtetasve Z. K. dhe G. M., të cilët do të kryenin shkëmbimin e lëndës narkotike, ndërsa të arrestuarit e tjerë janë bashkëpunëtorët e këtyre të fundit, ku gjithsecili kishte rolin e vet në këtë aktivitet kriminal.
Ky operacion u zhvillua në bazë të hetimeve të kryera, mbi këtë grup kriminal, i cili kryente organizimin, financimin, transportin dhe trafikimin e lëndëve narkotike (marijuanë) nga qyteti i Koplikut në drejtim të Malit të Zi dhe më gjerë.
Gjatë veprimeve të mësipërme u sekuestrua automjeti tip fugon; lënda narkotike me peshë 205 kg; 4 automjete të markave të ndryshme dhe 5 telefona celularë.
Materialet procedurale do t'i kalojnë Prokurorisë pranë Gjykatës së Shkallës së Parë Shkodër në ngarkim të shtetasve të mësipërm për veprat penale "Prodhimi dhe shitja e lëndëve narkotike” dhe "Veprimet që pengojnë zbulimin e të vërtetës”.
