Për 24 orë janë raportuar katër raste të dhunës familjare në Kosovë. Në raportin e policisë është bërë e ditur se rastet kanë ndodhur në Prishtinë, Obiliq, Istog e Gjakovë.
Në Prishtinë me 2 gusht një person kishte sulmuar fizikisht bashkëshorten e tij, teksa më 3 gusht policia e kishte arrestuar atë. Viktima ka pranuar trajtim mjekësor, ndërsa i dyshuari pas intervistimit me vendim të prokurorit është dërguar në mbajtje.
Në Obiliq sërish një mashkull i komunitetit ashkali ka sulmuar/kërcënuar bashkëshorten e tij. I njëjti me vendim të prokurorit i dyshuari është dërguar në mbajtje.
Edhe në qytetin e Istogut një person ka ushtruar dhunë fizike e psikike ndaj bashkëshortes. Viktima ka pranuar tretman mjekësor. Sipas njoftimit të policisë me vendim të prokurorit i dyshuari është dërguar në mbajtje. Teksa në Gjakovë një grua ka informuar se pas një mosmarrëveshje është kanosur nga djali i axhës. I dyshuari është arrestuar dhe me vendim të prokurorit është dërguar në mbajtje.