E goditi gjashtë herë me thikë në shpinë, prokuroria ngrit aktakuzë ndaj gjilanasit - Bota Sot
E goditi gjashtë herë me thikë në shpinë, prokuroria ngrit aktakuzë ndaj gjilanasit

Kronikë e zezë

E goditi gjashtë herë me thikë në shpinë, prokuroria ngrit aktakuzë ndaj gjilanasit

Më: 21 janar 2020 Në ora: 14:09
Foto ilustrim

Prokuroria Themelore në Gjilan, ka ngritur aktakuzë, kundër të pandehurit A.M., për shkak të veprës penale ‘’Vrasje në tentativë’’, i cili gjendet në masën e paraburgimit që nga data 31 janar 2019.

“Sipas aktakuzës, i pandehuri A.M., më 30 dhjetor 2019, rreth orës 16:20 minuta, ka tentuar që të privojë nga jeta të dëmtuarin S.J., në atë mënyrë që pranë shtëpisë së të dëmtuarit, në fshatin Cërnicë, pas një konflikti verbal, ka goditur gjashtë herë me thikë të njëjtin, në pjesën e shpinës dhe në shpatulla, duke i shkaktuar lëndime trupore.

I dëmtuari, si pasojë e plagëve të marra fillimisht është dërguar për ndihmë mjekësore në Spitalin Rajonal të Gjilanit, pastaj është transferuar në QKUK, në Prishtinë”, thuhet në njoftimin për media.

Me këto veprime, i pandehuri A.M., ka kryer veprën penale ‘’Vrasje në tentativë’’, nga neni 172 lidhur me nenin 28 të Kodit Penal të Republikës së Kosovës.

Shfaq komentet
comments powered by Disqus
Sot mund të lexoni Shfletoni kopertinat