Policia jep detaje për vdekjen e 24-vjeçarit që vdiq dje në Pejë

Kronikë e zezë

Policia jep detaje për vdekjen e 24-vjeçarit që vdiq dje në Pejë

Më: 23 qershor 2022 Në ora: 10:32
Foto ilustrim

Policia e Kosovës ka dhënë detaje për vdekjen e 24-vjeçarit në Pejë.

Në raport thuhet se një person ka raportuar që e ka vërejtur një person tjetër të shtrirë në ballkonin e një dhome.

Me të marrë informacionet, në vendin e ngjarjes kanë dalë njësitet relevante policore dhe ekipi i ndihmës së shpejtë.

Mjeku përgjegjës e ka konstatuar vdekjen e viktimës, ndërsa janë mbledhur edhe disa prova që i shërbejnë hetimeve.

Me vendim të prokurorit, viktima është dërguar për obduksion në Institutin e Mjekësisë Ligjore.

“HETIM I VDEKJES|Pejë 22.06.2022 – 05:30. Ankuesi mashkull kosovar ka raportuar se në ballkonin e një dhome ka vërejtur viktimën mashkull kosovar të shtrirë. Njësitë relevante policore dhe një ekipi i ndihmës së shpejtë ka dalë në vendin e ngjarjes, nga mjeku përgjegjës është konstatuar vdekja e viktimës. Në vendin e ngjarjes janë mbledhur provat që i shërbejnë hetimit të rastit, ndërsa me vendim të prokurorit trupi i pajetë i viktimës është dërguar në IML për obduksion”, thuhet në raport.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat