Një punonjës i OSHE-së ka gjetur vdekjen duke kryer punime me kabllo elektrike në fshatin Grabian. Sipas policisë, rreth orës 12:30, në spitalin rajonal të Vlorës ka mbërritur i pajetë 23-vjeçari Shyqyri Baraj.
Dyshohet se ai ka rënë nga një mur, në punime e sipër me kabllot elektrike dhe për shkak të dëmtimeve të rënda është dërguar menjëherë drejt spitalit.
Fatkeqësisht 23-vjeçari Baraj ka humbur jetën gjatë rrugës për në spital.
Menjëherë në vendin e ngjarjes ka mbërritur policia e Vlorës dhe po vijon hetimet për zbardhjen e rrethanave të kësaj ngjarje.
