Një punonjës policie në Fushë Krujë, plagosi sot veten me armë, në orët e para të mëngjesit.
Policia e pyetur nga noa.al, sqaroi se 39- vjeçari T.M., punonjës policie, ka shkrepur armën duke hipur në makinë.
Sipas policisë, shkrepja e armës është bërë aksidentalisht teksa 39-vjeçari ka qenë duke u ulur në mjet, çka për pasojë ka shkaktuar plagosjen në këmbë.
Efektivi i policisë u dërgua në Spitalin e Traumës në Tiranë, ku ndodhet nën kujdesin e mjekëve.