Policia e Tiranës ditën e djeshme ka njoftuar se është arrestuar një 38-vjeçar pasi përndiqte ish të dashurën e tij, 15-vjeç më të vogël.
Shtetasi me inicialet B.B me përndjekjen e tij të vazhdueshme kishte sjell shqetësim dhe gjendje ankthi te vajza, ai akuzohet për përndjekje, e ndërsa kallëzimin e polici e ka bërë vetë 23-vjeçarja e cila ka deklaruar, se prej dy muajsh ishte ndarë nga 38-vjeçari për shkak të dhunës psikologjike që ushtronte ndaj saj, pasi ishte xheloz dhe nuk e lejonte të dilte nga shtëpia.
Por këtë fakt ai nuk e ka pranuar dhe disa ditë pas ndarjes i ka kërkuar që të kthehej prapë në banesën ku kishin jetuar bashkë.
Fillimisht ai nuk ka reaguar ndaj refuzimit të 23-vjeçares për të bashkëjetuar sërish, por javët e fundit kishte filluar që t’i telefononte, madje edhe ta kërcënonte që të rikthehej tek ai.
Vajza ka deklaruar se ditët e para ka ngurruar t’i drejtohej Policisë, pasi ka pritur që ai të bindej dhe të hiqte dorë nga ideja që kishte për t’u lidhur prapë me të.
