(E plotësuar) - Një ngjarje e rëndë ka ndodhur mbrëmjen e sotme në qytetin e Vlorës. Raportohet se ka pasur të shtëna me armë në zonën e Lungomares.
Dyshohet se kanë qenë dy autorë, të cilët kanë qëlluar mbrëmjen e sotme me armë zjarri një 36-vjeçar dhe e kanë lënë atë të vdekur në Lungomare në Vlorë. Viktima thuhet se eshte shtetasi me inicialet Renato Omeri, 36 vjeç.
Burimet thanë se dëshmitarët kanë dëgjuar 6 të shtëna. Në vendin e ngjarjes ka pasur një numër të madh qytetarësh, pushuesish, që janë tronditur nga ngjarja e rëndë.
Autorët mësohet se kanë qenë në këmbë duke lëvizur derisa kanë qëlluar mbi shënjestrën, e më pas janë larguar me një automjet ne zonen e Ujit te Ftohte.
Ndërsa thuhet se viktima ka qenë duke lëvizur me bicikletë. Ai është qëlluar jashtë ambienteve të një lokali.
Të shtëna me armë në Vlorë, 1 i vdekur
Një ngjarje e rëndë ka ndodhur mbrëmjen e sotme në Vlorë.
E gjitha ka ndodhur pranë Lungomares të qytetit bregdetar.
Si pasojë e të shtënave, një person ka humbur jetën. Dëshmitarët thanë se kanë dëgjuar 6 të shtëna me armë zjarri.
