Një aksident është regjistruar sot në aksin Librazhd-Elbasan.
Mësohet se dy mjete janë përplasur me njëra-tjetrën kokë më kokë në vendin e quajtur ‘Kthesa e Murrashit’, e për pasojë dy persona janë plagosur lehtë, identiteti i të cilëve nuk dihet.
‘BalkanWeb’ raporton se si pasojë e aksidentit është paralizuar qarkullimi i mjeteve, duke krijuar edhe radhë prej 1 km.
Sakaq, për normalizimin e situatës në vendin e ngjarjes kanë mbërritur forcat policore, të cilët bënë të mundur transportimin e dy automjeteve të përfshira në aksident, me qëllimin lirimin e rrugës.