Dy femra kanë pësuar lëndime, si pasojë e një zjarri që ka shpërthyer në një ndërtesë në lagjen Dardania në Prishtinë.
Rastin e ka konfirmuar për Kp zëdhënësja e Policisë së Kosovës për rajonin e Prishtinës, Flora Ahmeti, e cila ka thënë se të lënduarat janë dërguar për trajtim shëndetësor në QKUK.
Ajo ka thënë se ekipet e hetimit janë në vendin e ngjarjes dhe po hetojnë rastin që ka shkaktuar zjarrin.
Zjarri është shkaktuar derisa ishte duke u punuar në orët e rrymës në ndërtesë.
Aksidenti ka ndodhur në ora 17:00 në Bulevardin “Bill Klinton”.
