Dje në fshatin Korroticë e Epërme të Gllogcit dy meshkuj kanë raportuar se derisa ishin në lëvizje dy persona tjetër i kanë kanosur me armë zjarri.
Policia raporton se dy ankuesit meshkuj kanë raportuar se derisa ishin në lëvizje me automjetin e tyre, dy persona të panjohur nga një veturë tjetër në lëvizje i kanë kanosur, ua kanë drejtuar armën e zjarrit si dhe ua kanë dëmtuar veturën.
Të njëjtit janë larguar në drejtim të panjohur.
Nuk raportohet për të lënduar ndërsa rasti është duke u hetuar./BS
