Policia jep detaje për vdekjen e 23-vjeçarit pejan në vendin e punës - Bota Sot
Policia jep detaje për vdekjen e 23-vjeçarit pejan në vendin e punës

Kronikë e zezë

Policia jep detaje për vdekjen e 23-vjeçarit pejan në vendin e punës

Më: 27 gusht 2018 Në ora: 07:19
Milor Belegu

(E plotësuar) - 23-vjeçari nga Peja, Milor Belegu ka humbur jetën të dielën, si pasojë e lëndimeve të pësuara para rreth një jave teksa po punonte në ndërtimtari.

Rastin e ka konfirmuar zëdhënësi i Policisë së Kosovës në Rajonin e Pejës, Xhevat Ibraj. Ai ka thënë se 23-vjeçari ishte i shtrirë në spital që prej datës 19 gusht.

“Ka vdekur sepse nuk ka mundur t’i përballojë lëndimeve. Prej datës 19 është në spital, e kanë dërguar me urgjencë në QKUK. Atje ekziston historia e tij dhe mjekët duhet të raportojnë për këtë rast. Policia çfarë ka bërë për këtë rast, është se, ky rast është hetim i vdekjes”, ka thënë Ibraj.

Ai ka insistuar që detaje të reja mund të japin zyrtarët e Qendrës Klinike Universitare të Kosovës. 

Belegu po punonte me babain e tij në ndërtimtari kur kishte pësuar lëndime të rënda që ia morën jetën rreth një javë më vonë. 

23 vjeçari nga Peja vdes derisa po punonte në ndërtimtari 

I riu 23 vjeçar nga komuna e Pejës ka humbur jetën përderisa po punonte në ndërtimtari.

Sipas burimeve të mediave, 23 vjeçari që humbi jetën është Milor Belegu.

Belegu po punonte me babin e tij në ndërtimtari ndërsa nuk dihet saktësisht se si erdhi deri tek vdekja.

Duhet përkujtuar që janë të shumta rastet në Kosovë kur vdekja bëhet në vendet e punës, sidomos në ndërtimtari ku rreziku është gjithnjë i lartë në mungesë të sigurimit të vendit të punës dhe mjeteve të duhura për të punuar.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...