Mëngjesin e sotëm rreth orës 10:37, në rrugën dytësore Laç - Milot, një mjet kamion me drejtues shtetasin A.Ll.40 vjeç, banues në Laç, ka aksidentuar mjetin ciklomotor me drejtues shtetasin Z.H. 52 vjeç, banues në Milot.
Për pasojë ka humbur jetën drejtuesi i cikolomotorit, si dhe është lënduar bashkëshortja e tij shtetasja Sh.H. pasagjere në ciklomotor e cila është dërguar në Spitalin e Traumës në Tiranë për ndihmën e nevojshme mjekësore.
Drejtuesi i kamionit është shoqëruar në ambientet e policisë për veprime të mëtejshme procedurale hetimore.
Grupi hetimor nën drejtimin e Prokurorit, vazhdojnë hetimet për zbardhjen e plotë të rrethanave të aksidentit.