Zjarr me goma për Ditën e Verës! Ndotje e madhe në Kukës, flakët rrezikojnë një shkollë

Kukësi

Zjarr me goma për Ditën e Verës! Ndotje e madhe në Kukës, flakët rrezikojnë një shkollë

Më: 13 mars 2022 Në ora: 22:03
Foto ilustrim

Qytetarët në Kukës këtë mbrëmje kanë nisur të festojnë Ditën e Verës, ditën e ndarjes me dimrin.

Në Kukës dhe në fshatrat përreth tradicionalisht ndizen zjarre me dru të vjetër apo shkurre si paralajmërim për Ditën e Verës. Por ky ritual prej vitesh e ka humbur traditën, pasi për ndezjen e zjarreve nga fëmijët po përdoren goma makine.

Dhjetëra goma u grumbulluan sonte pranë banesave, pallateve e shesheve për t’u vënë më pas zjarrin natën e para 14 marsit. Shërbimi  zjarrfikës ka shuar deri tani 10 vatra zjarri me goma.

Djegia e gomave të makinave solli një ndotje masive të ambientit dhe rrezik serioz për objektin e një shkolle 9-vjeçare dhe një çerdhe të qytetit, pasi gomat u ndezën në oborret e tyre.

Fenomen tjetër është ndezja e kazanëve të mbeturinave dhe përmbysja e tyre në rrugicat e lagjeve duke shkaktuar bllokimin e lëvizjes së mjeteve dhe këmbësorëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat