4 zgjidhje të shpejta për flokët pa yndyrë

Life style

4 zgjidhje të shpejta për flokët pa yndyrë

Më: 30 tetor 2020 Në ora: 00:56
Ilustrim

Flokët e yndyrshëm mund të kthehen në një bezdi shumë shpejt, dhe këto këshilla do të iu kursejnë mundin dhe kohën.

Edhe pse për flokët e yndyrshme zgjidhja më e mirë duket dushi, ekspertët nuk e rekomandojnë gjithnjë, larja e tepërt e flokëve mund t’i prishë dhe të përkeqësojë problemin në flokët tuaj.

Këto zgjidhje do iu mundësojnë të ruani flokët nga larja e tepërt dhe heqja e yndyrës.

Aloe vera

Një nga mënyrat më të mira e natyrale për të balancuar flokët e yndyrshëm pa dyshim është aloe vera. E mbushur me antioksidantë dhe plot vlera ushqyese ajo do të ndihmojë edhe në daljen e flokëve të rinj.

Mjafton të hidhni në një enë 3 lugë gjelle me lëng limoni, 1 lugë gjelle me gel aloe vera dhe 200 ml shampo flokësh. Përziejini të gjitha këta përbërës dhe lani flokët me ta dy herë në javë. Shumë shpejt do të shihni ndryshime në përbërjen e shëndetin e flokëve tuaj.

Çaji i zi

Në një çajnik të vogël shtoni gjysmë gote me ujë dhe 2 lugë gjelle çaj të zi ose dy filtra. Vëreni të ziejë për disa minuta derisa të shikoni që çaji ka lëshuar esencën e më pas kulloni uji ose hiqni filtrat.

Ujin që përfituat lëreni të ftohet paksa dhe lyeni me të rrënjët e flokëve tuaj duke masazhuar me lëvizje rrethore duke e lënë për 20 minuta. Në fund shpëlajeni kokën me ujë të vakët.

Lëng limoni

Limoni ka veti kurative për shumë pjesë të trupit dhe sidomos në lëkurë dhe flokë. Për këto të fundit mund t’ju ndihmojë që të largoni yndyrën e tepërt.

Shtrydhni rreth 200 ml lëng limonësh të freskët, bashkojini me 100 ml ujë dhe hidheni këtë masë në flokët tuaj. Lëreni të thahet për 10-15 minuta e më pas shpëlajini flokët me ujë të ftohtë.

Vezë dhe lëng limoni

Kombinimi i vezëve me lëngun e limonit mund të bëjë mrekulli për flokët tuaj. Merrni dy të verdha vezësh, shtoni në to lëng limoni dhe përzieni mire.

Këtë masë merreni pak nga pak në duart dhe vendoseni tek rrënjët e flokëve tuaj nëpër të gjithë kokën. Lëreni të thahet për 10 minuta e më pas shpëlajeni kokën me shampo si zakonisht. 

Shfaq komentet
comments powered by Disqus
Sot mund të lexoni Shfletoni kopertinat