Ushtrimet fizike janë të mahnitshme për të ndërtuar një trup të shëndetshëm dhe aestetik, për të humbur peshë, dhe njëkohësisht për ta përmirësuar disponimin, për ta parandaluar plakjen dhe për t’i ngritur nivelet e energjisë.
Megjithatë, pavarësisht sa të shëndetshme janë ushtrimet fizike, shumë njerëz përtojnë dhe janë dembelë të fillojnë të jenë të rregullt në palestër.
Por, disa ekspertë nga Gjermania besojnë ta kenë gjetur mënyrën se si ta bindni veten t’ju pëlqejnë ushtrimet fizike: përqendrohuni në përfitimet që i sjellin ato, ose blini rroba seksi sportive dhe motivi juaj do të jetë më i lartë se kurrë.
Këtë konkludim shkencëtarët e kanë arritur pasi kanë studiuar 80 meshkuj dhe gra të moshave 18 deri 32 vjet.
