Përhapet sëmundja e fruthit në Shkup, ndalohet dërgimi në kopshte i fëmijëve të pavaksinuar - Bota Sot
Përhapet sëmundja e fruthit në Shkup, ndalohet dërgimi në kopshte i fëmijëve të pavaksinuar

Maqedonia

Përhapet sëmundja e fruthit në Shkup, ndalohet dërgimi në kopshte i fëmijëve të pavaksinuar

Më: 2 janar 2019 Në ora: 15:18
Foto ilustrim

Gjashtë raste të reja të fruthit janë regjistruar nga institucionet shëndetësore. Pesë nga të prekurit me sëmundjen e fruthit janë fëmijë, ndërsa një është i rritur. Asnjëri prej fëmijëve të prekur nuk është i vaksinuar.

Nga Ministria e Shëndetësisë sot përmes një konference për shtyp thanë se gjendja është serioze dhe se për momentin do të ndërmarrin masat të cilat i posedojnë.

Ministri i Shëndetësisë Venko Filipçe, tha se do të shpallet gjendje epidemi në rajonin e Bashkinë e Shkupit dhe i ftoi të gjithë prindërit që t’i vaksinojnë fëmijët.

Gjendja e epidemisë është shpallur pasi sëmundja e fruthit përveç në Butel ka filluar të përhapet edhe në Gazi Babë, Çair dhe Shuto Orizare.

Ndryshe, të dhënat e fundit të Qendrës për shëndet publik tregojnë se gjithsej 15 mijë fëmijë të moshës deri 14-vjeçare nuk janë të vaksinuar.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...