Incidenti në burgun e Shutkës ishte temë diskutimi në emisionin e mbrëmshëm "Otvoreno" në tv Alfa ku i ftuar ishte analisti politik Albert Musliu.
Ai thotë se nuk e habit ajo që në disa mediume dolën informacione se ish kryeministri në arrati, Nikolla Gruevski dhe VMRO-DPMNE qëndrojnë prapa kësaj ngjarje.
"Te ne në politikë asgjë nuk më habit. Gruevski është në arrati, duke kërkuar azil politik, kështu që nuk më habisin çështje të inskenuara dhe a është e mundur një gjë e tillë. Nuk është e imja ta them, por këtu ka lëshime të institucioneve. Tanimë institucionet pas 28 viteve duhet të mësojnë të mos bien në provokime", potencoi Musliu.
