Prokuroria Speciale Publike, në raportin gjashtëmujor të publikuar sot, thuhet se ka shpenzuar 195.3 milionë euro gjatë gjithë vitit 2018.
“Realizimi i përgjithshëm i buxhetit të miratuar për vitin 2018, më 31.12.2018, arrin në shumën 195.321.542.00 denarë ose 85.43% e buxhetit të kësaj Prokurorie Publike. Në vitin 2018, nuk janë realizuar 14.57% nga buxheti i caktuar për vitin 2018, domethënë nuk janë nuk janë shpenzuar mjete prej 33.311.458.00 denarë, të cilat më 31.12.2018 janë tërhequr në buxhetin e Republikës së Maqedonisë së Veriut”, thuhet në raport.
Në periudhën nga 15 shtatori 2018 deri më 31 dhjetor 2018, janë shpenzuar mjete në shumë prej 76.437.440.00 denarë ose 33.43% të buxhetit të miratuar.
Në raportin Prokuroria Speciale Publike gjithashtu thuhet se në hard diskun e zbuluar në zyrën e DSK-së, të cilën e ka shfrytëzuar Zvonko Kosotovski, janë zbuluar 31.495 biseda dhe 72.513 sms mesazhe.
Pas kryerjes së analizave është konfirmuar se 15.531 biseda janë private, ndërsa nga sms mesazhet 58.365 janë konfirmuar si private.
