Derkoski: Radhitja e kandidatëve për kryetar shteti do të konfirmohet nesër - Bota Sot
Derkoski: Radhitja e kandidatëve për kryetar shteti do të konfirmohet nesër

Maqedonia

Derkoski: Radhitja e kandidatëve për kryetar shteti do të konfirmohet nesër

Më: 21 mars 2019 Në ora: 18:58
Derkoski

KSHZ-ja sot ka mbajtur seancë në të cilën ka shqyrtuar nëse kandidaturat për zgjedhjet e ardhshme presidenciale janë të rregullta dhe në pajtim me ligjin, pasi veçmë janë parashtruar ato të kandidatëve të LSDM-së dhe koalicionit, OBRM-PDUKM-së dhe koalicionit të opozitës shqiptare, Stevo Pendarovski, Gordana Siljanovska-Davkova dhe Blerim Reka.

Komisioni për kontroll do të marrë vendim për konfirmimin e kandidaturave, me çka Pendarovski, Siljanovska dhe Reka edhe zyrtarisht do të bëhen kandidatë për zgjedhjet e ardhshme presidenciale.

Kryetari i KSHZ-së, Oliver Derkovski sot para fillimit të seancës deklaroi se ai nuk pret se do të ketë probleme në kandidaturat.

Ai paralajmëroi se KSHZ-ja do të dalë me kumtesë se me siguri janë konfirmuar kandidaturat për tre pjesëmarrës në garën presidenciale.

Prej nesër vijojnë afatet tjera, mes të cilave edhe afati për radhitjen e orarit të kandidatëve. Derkovski theksoi se me siguri që nesër me short do të konfirmohet ai orar, ndërsa prej 1 prillit edhe zyrtarisht fillon fushata për zgjedhjet presidenciale.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...