OSBE-ja kërkon një mandat të ri për PSP-në - Bota Sot
OSBE-ja kërkon një mandat të ri për PSP-në

Maqedonia

OSBE-ja kërkon një mandat të ri për PSP-në

Më: 12 qershor 2019 Në ora: 15:50
PSP

Shefi i OSBE-së në vend është i shqetësuar për ligjin e ri për PSP-në. Klemens Koja kërkoi që partitë të gjejnë një zgjidhje, që PSP-ja të vazhdojë të punojë pa pengesë. Koja i ndau këto vërejtje në prezantimin e raportit të dytë të organizatës ndërkombëtare kushtuar punës së PSP-së. Në temën mandati i PSP-së, foli edhe prokurorja speciale, Katica Janeva e cila kërkoi ligji të miratohet sa më shpejtë.

Në emisionin e mbrëmshëm në televizionin TV 24 ministrja e drejtësisë Renata Deskoska tha se Qeveria është në rrugën e duhur për zgjidhjen e ligjit të PSP-së, pasi tashmë kanë ligj të gatshëm për çka po harmonizohen qëndrimet. Por Deskoska e akuzoi edhe opozitën se po përpiqet t’i bllokojë të gjitha proceset hetuese që për momentin i zhvillon PSP-ja, respektivisht të ashtuquajturat, lëndë të reja.

Ndërkaq lideri i VMRO DPMNE-së, Hristijan Mickoski tha se akuza e vetme e PSP-së që është pjesë e lëndëve “të reja” është ndaj partisë së tij. Qëndrimi i opozitës është se të gjitha lëndët e reja janë jashtë afatit ligjor dhe si të tilla nuk guxojnë të lejohen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...