Komisioneri për Fqinjësi dhe Zgjerim, Oliver Varhelyi sonte ka realizuar bisedë telefonike me kreun e LSDM-së Zaev dhe atë të OBRM-PDUKM-së Mickoski dhe sipas tij diskutimi ka qenë mbi rëndësinë e organizimit të zgjedhjeve të lira, të ndershme dhe gjithëpërfshirëse.
“Sapo kam biseduar me kreun e LSDM-së Zaev dhe atë të OBRM-PDUKM-së Mickoski, kemi diskutuar mbi rëndësinë e zgjedhjeve të lira, të ndershme dhe gjithëpërfshirëse në Maqedoninë e Veriut, duke marrë parasysh situatën me Covid-19 dhe nevojën për të adresuar në mënyrë efikase rimëkëmbjen ekonomike”, shkruan mes tjerave Varhelyi.
