LSDM: OBRM-PDUKM po manipulon, e sulmojnë Kovaçevskin se është i ndershëm

Maqedonia

LSDM: OBRM-PDUKM po manipulon, e sulmojnë Kovaçevskin se është i ndershëm

Më: 2 tetor 2022 Në ora: 15:04
Foto ilustrim

Konkretisht, për këtë kompani Pixel Group Doo Shkup, Dimitar Kovaçevski nuk është pjesë e strukturës pronësore dhe as pronar, kështu reagojnë nga LSDM për aferën “Llogaritësi” të publikuar nga OBRM-PDUKM.

Nga LSDM thonë se me 28 shtator 2020, Dimitar Kovaçevski e ka tërhequr plotësisht shumën e mjeteve financiare të investuara për të siguruar likuiditetin fillestar të kompanisë.

“Është bërë e ditur publikisht, që ai t’i përkushtohej plotësisht detyrës që mbante në atë kohë, ushtrues detyre i ministrit të Financave. Të gjitha këto mund t’i shohë në anketën e Kryeministrit.

OBRM-PDUKM është e dëshpëruar, e sulmon kryeministrin Kovaçevski sepse është i ndershëm dhe punon për qytetarët, ndërsa Mickoski lufton për tenderë dhe komisione. Se bëhet fjalë për manipulim të sajuar të OBRM-PDUKM-së, shihet nga fakti se përmendin ndihmën shtetërore për kompanitë, e cila vlen për të gjitha kompanitë që i kanë plotësuar kushtet”, thuhet në reagimin e LSDM-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat