Kryetari i Kuvendit Talat Xhaferi, sot në takim me gazetarët tha se javën e ardhshme, gjegjësisht më 5 korrik do të mbahet seancë në të cilën do të rivotohet për Ligjin për ratifikimin e marrëveshjes me Greqinë.
“Të hënën do të sjell vendim për mbajtjen e seancës”, tha Xhaferi.
Ai shtoi se materialet që i ka marrë nga presidenti Ivanov do t’i dorëzojë tek deputetët dhe javën e ardhshme do të mbahet seanca.
“Ivanov nuk ka veto absolute. Presim që ai edhe herën e dytë të mos e nënshkruajë dekretin. Kjo është bërë praktikë”, tha Xhaferi.
Ai i bëri apel Gjorge Ivanovit që ta kuptojë rëndësinë e momentit politik të shtetit.
