Delegacioni i Kuvendit në tryezë të rrumbullakët në nivel të lartë në Bruksel - Bota Sot
Delegacioni i Kuvendit në tryezë të rrumbullakët në nivel të lartë në Bruksel

Maqedonia

Delegacioni i Kuvendit në tryezë të rrumbullakët në nivel të lartë në Bruksel

Më: 26 nëntor 2018 Në ora: 17:51
Kuvendi i Maqedonisë

Delegacioni i Kuvendit të Republikës së Maqedonisë, në përbërje: Goran Milevski, Ejup Alimi, Meri Llazarova dhe Nikolla Micevski, më 27-28 nëntor do të marrin pjesë në tryezën e dytë të rrumbullakët në nivel të lartë në Bruksel, me ftesë të kryetarit të Parlamentit Evropian, Antonio Tajani.

Siç kumtojnë nga shërbimi për shtyp i Kuvendit të Maqedonisë, në tryezën e rrumbullakët, në të cilën janë ftuar edhe deputetët e parlamenteve të rajonit, do të debatohet për proceset eurointegruese në rajon, për reformat e realizuara për çdo vend në veçanti, si dhe për çështjet bilaterale dhe politikat për fqinjësi të mirë të Ballkanit Perëndimor.

Gjatë kohës së vizitës në Bruksel, deputetët do të realizojnë takime me kolegët e tyre të rajonit, si dhe me më tepër eurodeputetë me ndikim, në mesin e tyre edhe referuesi i Komisionit për Politikë të Jashtme të Dhomës Ligjvënëse të Evropës, Ivo Vajgëll.

Gjithashtu, delegacioni i Kuvendit do të marrë pjesë edhe në seancën plenare të Parlamentit Evropian në të cilën do të debatohet për Raportin e Republikës së Maqedonisë për vitin 2018.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...