Çdo të diel mbrëma transmetohet emisoni “Lufta e Nuseve” ku në fokus janë dasmat dhe emocionet që përjetojnë tre nuset në garë teksa konkurrojnë se cila prej tyre ka realizuar dasmën më të bukur.
Edhe në familjen e Ardit Gjebreas, mbrëmja e djeshme i është rezervuar “Luftës së Nuseve” dhe në mënyra natyrale të voglës së shtëpisë, Anna-s i ka lindur pyetja nëse edhe Arditi do ta shoqërojë atë në altar ditën e dasmës.
Këtë moment emocionues, Arditi ka vendosur ta ndajë me ndjekësit në Instastory duke shkruar pyetjen e Anna-s dhe përgjigjen që ai kishte menduar nën zë: “Veç ta mbërrij atë ditë” – ka shkruar Gjebrea dhe sigurisht ndjehet emocioni që ka ndjerë nga ky moment spontan në një mbrëmje të zakonshme të diele, që u desh një episod të tillë për ta kthyer në një kujtim të bukur.
