Pamela Anderson e ka publikuar fotografinë e parë të përbashkët me burrin e saj, Jon Peters, me të cilin u martua javë më parë.
Ish-ylli i “Baywatch” dhe bashkëshorti i saj 74 vjeçar ishin njoftuar para më shumë se tri dekadash dhe asokohe kishin qenë në lidhje, prandaj 52-vjeçarja e ka publikuar edhe një fotografi të çiftit nga ajo kohë.
Martohet për të pestën herë Pamela Anderson, ylli i jep fund beqarisë me 74-vjeçarin në një dasmë sekrete
Në postimet e publikuara në Twitter në formë poezish, biondja e famshme ka treguar se Peters i kishte propozuar para 30 vitesh, mirëpo ajo e kishte refuzuar për shkak të dallimit të madh në moshë.
Ata ishin takuar në vilën e Playboy në vitin 1989, kur Pamela ishte 19 vjeçare, kurse Jon ishte në të katërdhjetat.
“Jam një femër me fat – një dëshmi se Zoti ka një plan”, ka thënë Anderson lidhur me këtë martesë, pasi kësaj radhe i tha ‘PO’ propozimit të Peters.
Kujtojmë Pamela në të kaluarën ka qenë e martuar me muzikantët Tommy Lee dhe Kid Rock dhe dy herë është martuar me lojtarin e pokerit, Rick Salomon.
