Këngëtari nga Kosova shërohet nga koronavirusi, kërkon nga qytetarët të mos e neglizhojnë këtë situatë

Mediale Vip

Këngëtari nga Kosova shërohet nga koronavirusi, kërkon nga qytetarët të mos e neglizhojnë këtë situatë

Më: 11 prill 2020 Në ora: 21:30
Foto ilustrim

Këngëtari nga Ferizaj, Jetmir Hyseni sot është liruar nga QKUK, pasi u shëruar nga koronavirusi.

Jetmir Hyseni këngëtari nga fshati Bibaj ka 23 ditë që po qëndronte në repartin Infektiv në QKUK, për shkak se ishte i infektuar me koronavirus.

Ai pak minuta më parë bëri të ditur se në testet e bërë dje dhe sot për COVID-19 ka rezultuar negativ, dhe është liruar nga qendra e trajtimit.

Në postimin e bërë Jetmiri i bën lutje gjithë qytetarëve të marrin seriozisht dhe të mos e neglizhojnë situatën, pasi ky grip nuk është i rëndomtë. 

Postimi i plotë:

COVID-19 REZULTATI NEGATIV

Pershendetje të dashur qytetarë të Republikës,

Unë sot përfundimisht,mbas plotë 23 dit qendrimi në Repartin Infektiv në QKUK,me vullnetin e Zotit, në dy testet e bëra, dje dhe sot, rezultova negativ.
Dua t’ju bëj me dije se ky virus më ka shkaktuar mundime, temperaturë të lartë dhe ethe të papërshkrueshme, pneumoni që u konfirmua me anë të rentgenit dhe testit të gjakut. Mos i ndëgjoni ata që thonë “Hajt se s’osht kurrgjo, grip hesapi”. Nuk po them të bëni panik, por mos e neglizhoni. RRINI N’SHPI!
Dua t’ju them të gjithë atyre që me fjalë plot helm flasin keq për stafin shëndetsor, ta kenë frikë Zotin, sepse kurrë hakut nuk mund t’u dalim. Gjat qëndrimit tim ketu,një infermiere rezultoi pozitiv, nga shkaku që e ka harruar veten duke u kujdesur parreshtur për neve pacientëve të prekur me Covid-19.Zoti e shëroftë sa më shpejt!
Kujdesin e mjekëve, teknikëve dhe infermiereve ndaj pacientëve e vlerësoj në superlativ.
Pas shuarjes së kësaj epidemie, pas kthimit në normalitet, do ti vizitoj të gjithë këta heronjë, do ua puth duart me përulësi e respekt dhe t’u them se u jam borgjli përjetë! Këta janë miqtë e mi të përjetshëm. Ju nuk e keni idenë se sa të kujdesshëm janë! Mos folni keq për ata sepse bëni shumë mëkat! Respektoni dhe duani ata! Me zemër dhe përulësisht u them FALEMINDERIT dhe ZOTI JU SHPËRBLEFTË!

Falemnderit familjarëve e miqve që më kanë kontaktuar dhe ma kanë lehtësuar dhimbjen e mërzinë!

Unë po kthehem në shtëpi! Do të qëndroj në izolim si mbarë populli.
Jam mërzitur shumë për prindërit, fëmijtë mi, bashkëshorten time,vellaun tim dhe gjith miqtë e mi, por unë do të qëndroj fizikisht pa miqtë e mi, deri në largimin e plotë të pandemisë dhe deri sa shteti të konkludon se lejohen kontaktet fizike.

Unë shpresoj shumë që së bashku të festojmë kur të vijnë ditë më të mira. Deri atëherë do t’u këndoj njerëzve të shtëpisë dhe juve miq në rrjetet sociale. Distancimi mbetet vetëm fizik, por jo edhe social.

DASHNI E RESPEKT!
RRINI N’SHPI!

JETMIR HYSENI
Bibaj,Ferizaj.

Shfaq komentet
comments powered by Disqus
Sot mund të lexoni Shfletoni kopertinat