Britney Spears thotë se Jennifer Lopez "nuk do të trajtohej kurrë" ashtu siç ishte gjatë periudhës së kujdestarisë së saj.
Ylli 40-vjeçar i zhanrit të muzikës pop rifitoi kontrollin e pasurisë shumëmilionëshe dhe aspekteve të ndryshme të jetës së saj, kur një kujdestari që drejtohej nga familja e saj për 13 vjet u ndërpre në vitin 2021.
Spears u shfaq në mediat sociale duke thënë se dikush me “shtat të ngjashëm si aktorja e 'Hustlers' nuk do të duhej të duronte kurrë ato lloj rregullash që ajo duhej”.
"Do të doja të shihja dikë që t'i thoshte Jennifer Lopez-it të ulet tetë orë në ditë shtatë ditë në javë ... pa makinë. Do të doja të shihja një ekip menaxhues që t'i thotë Jennifer Lopez-it të kalojë atë që unë kalova ... çfarë mendon se do të bënte ajo ... familja e saj nuk do ta lejonte kurrë këtë," ka shkruar autorja e hitit 'Womanizer'.
Ajo tha se familja e saj e kishte "mbyllur atë" përpara se të ripostonte një postim të vjetër ku ajo iu referua teksteve të këngës debutuese "...Baby One More Time", për shkak të rregullave të kujdestarisë.
“Pas 14 vjetësh që më tha jo asaj që doja… është shkatërruese për mua… por kjo nuk ishte pjesa më e keqe… pjesa më e keqe ishte që familja ime më mbylli në atë vend për katër muaj", ka shkruar Spears.
