Policia në Mitrovicë realizon fushatën- vetëdijesimi i mospërdorimit te telefonit në trafikun rrugor

Mitrovica

Policia në Mitrovicë realizon fushatën- vetëdijesimi i mospërdorimit te telefonit në trafikun rrugor

Më: 5 korrik 2022 Në ora: 12:06
Foto ilustrim

Në vazhdimësi të angazhimeve policore në ngritjen e masave të sigurisë në trafikun rrugor dhe me qëllim të vetëdijesimit, në kuadër te planit operativ “Sezoni Veror 2022” dhe “Siguria ne Trafikun Rrugor” te gjitha Stacionet Policore.

Njësia Rajonale e Komunikacionit Rrugor dhe Njësite tjera në kuadër te Drejtorisë Rajonale të Policisë në Mitrovicën e Jugut, kanë filluar së realizuari fushatën vetëdijesimi me moton “mospërdorimi i telefonave gjatë ngasjes së automjetit“, ku përmes kësaj fushate synohet sensibilizimi i qytetareve/vozitësve, që për sigurinë e tyre, dhe të tjerëve te evitojnë përdorimin e telefonit gjatë ngasjes/drejtimit të automjeteve.

Edhe pse veprimet policore në fushën preventive janë duke u zbatuar në përputhje me autorizimet dhe masat ligjore, përkundër këtyre është vlerësuar si e nevojshme dhe e domosdoshme veprimi alternativ ku policia për pjesëmarrësit në trafikun rrugor po shpërndanë fletushka me porosi, vetëdijesimi/sensibilizimi të qytetarëve/vozitësve.

Realizimi i këtyre masave preventive edhe një herë dëshmon përkushtimin e vazhdueshëm të Policisë ku në kuadër të kësaj fushate, pjesëmarrësve në trafik nga ana e zyrtarëve policor në teren, iu janë shpërndare një numër i konsiderueshëm i fletushkave me mesazhe vetëdijesimi “përdorimi i telefonit gjate ngasjes/drejtimit te automjetit” sanksionohet me Ligj!

Policia e Kosovës, apelon tek të gjithë pjesëmarrësit në trafikun rrugor që të kenë kujdes dhe t`iu përmbahen rregullave të përcaktuara me Ligjin për sigurinë në trafik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat