iPhone 11, iPhone 11 Pro dhe iPhone Pro Max, gjithçka që duhet të dini për tre telefonat e rinj nga Apple - Bota Sot
iPhone 11, iPhone 11 Pro dhe iPhone Pro Max, gjithçka që duhet të dini për tre telefonat e rinj nga Apple

Mobile

iPhone 11, iPhone 11 Pro dhe iPhone Pro Max, gjithçka që duhet të dini për tre telefonat e rinj nga Apple

Më: 11 shtator 2019 Në ora: 06:30
Foto ilustrim

Gjiganti amerikan Apple ka prezantuar sot në Kaliforni modelet e reja të telefonit të shumëpërfolur iPhone, bëhet fjalë për modelet iPhone 11, iPhone 11 Pro dhe iPhone 11 Pro Max.

iPhone 11 është pasardhës i modelit të fundit të iPhone XR, që çmimin fillestar e kishte 750 dollarë. E për dallim nga modeli paraprak, iPhone 11, çmimin fillestar e ka 699 dollare.

Më poshtë ju sjellim detaje nga modelet e reja të iPhone 11, iPhone 11 Pro dhe iPhone 11 Pro Max, që po konsiderohen si modelet revolucionare duke sjellë inovacione duke filluar nga dizajni i telefonave e deri te çipat tejet të avancuar, që deri më sot nuk janë përdorur nga asnjë kompani tjetër rivale.

iPhone 11

Ekrani: 6.1 inç Liquid Retina

Trupi: alumin dhe xham

Çipi: A13 Bionic që Apple e quan si më të shpejtin si në CPU ashtu në GPU, dhe ka kapacitet prej 1 trilion operacione në sekondë

Zërimi: Dolby Atmos

Kamerat e pasme: Dy kamerat e pasme prej 12 megapikselë me kënd të gjerë shkrepje dhe kamera e re prej 12 megapikeselë me kënd ultra të gjerë apo më mirë thënë 120 gradë të pamjes.

Të rejat e kamerave është Night Mode; 4K video me 60 frame për sekondë, kurse me vetëm një shtypje të butonit fillon të filmon video pa pasur nevojë të rregullohet në mënyrë manuale.

Në anën tjetër, kamera e përparme ka sjell të reja siç është “slow-motion” ndryshe tani e njohur si “slowfies” e dedikuar enkas për “selfie”.

Sa i përket sigurisë, telefoni hapet me shpejtësi jashtëzakonisht të madhe me Face ID. Ndërkaq kamera e tij është më e madhe sesa iPhone XR që i bie të ketë qëndrueshmëri më të madhe gjatë punës.

Aty është edhe mbushësi i shpejtë apo ndryshe i njohur si “fast-charger”. E kur flasim për porositë, ai do të jetë i disponueshëm në  treg me gjashtë lloje të ngjyrave, bardhë, zi, verdhë, kuqe, vjollcë dhe gjelbër.

Sistemi operativ iOS 13 do të jetë i disponueshëm, e çmimi startues i këtij modeli është 699 dollarë.

iPhone 11 Pro

Ekrani: 5.8 inç Super Retina XDR, me 2 milion kontraste, HDR 10

Zërimi: Dolby Atmos

Çipi: A13 Bionic

Bateria: Sa i përket baterisë që vazhdon të mbetet elementi kyç në të gjithë telefonat e mençur, Apple thotë se iPhone 11 Pro ka jetëgjatësi më të madhe sesa iPhone XS për më shumë se katër orë

Mbushësi: Bëhet fjalë për mbushësin e shpejtë prej 18-watt

E kur përmendet ky model, natyrisht se adhuruesve të flaktë që tashmë kanë filluar të mendojnë t’i porositin, pyesin se cilat ngjyra janë të disponueshme në treg – në pyetje janë ngjyrat, e gjelbër, hiri dhe e artë.

Kamera: 12-megapikselë me kënd të gjerë të shkrepjes, 12 megapikselë telefotografi, 12-megapikselë me kënd shkrepje ultra të gjerë apo ndryshe thënë 120 gradë.

Telefoto dhe këndi ultra i gjerë funksionojnë së bashku dhe mund të shkrep shumë fotografi nga një vetëm një kënd. Çmimi fillestar i këtij modeli do të fillojë nga 999 dollarë.

iPhone 11 Pro Max

Ekrani: 6.4 inç Super Retina XDR, me 2 milionë kontraste, HDR 10

Zërimi: Dolby Atmos

Çipi: A13 Bionic

Bateria: Jetëgjatësia e këtij modeli është për 4 orë më i madh sesa iPhone XS Max

Mbushës: Bëhet fjalë për mbushësin e shpejtë prej 18-watt

Sa i përket ngjyrave, të disponueshëm në treg janë: e gjelbra, hirtë dhe e artë, ndërkaq sistemi operativ iOS 13 do të jetë i qasshëm.

Kamera: 12 megapikselë kamerë me këndgjerë, 12 megapikselë telefoto kamerë dhe 12 megapikselë kamerë me kënd shkrepje ultra të gjerë apo 120 gradë.

Çmimi fillestar i iPhone 11 Pro Max do të jetë 1,099 dollarë, ndërkaq që të tre modelet do të mund të porositen nga 20 shtatori.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...