Realme ka prezantuar modelin e ri të telefonit të saj – Realme C17 i cili do të jetë në dispozicion në tregun global së shpejti. Realme C17 vjen me një ekran LCD me diagonalen prej 6.5 inç HD + me një shpejtësi rifreskimi prej 90 Hz.
Telefoni i ri ka 4 kamera në pjesën e pasme. Kamera kryesore ka 13 MP (f / 1.8), atë ultra të gjerë me 8MP, makro 2 MP dhe një sensor monokrom me 2 MP.
Shtesë është kamera për selfie me 8 MP. Pajisja vjen me një procesor Qualcomm Snapdragon 460, me 6 GB RAM dhe 128 GB memorie të brendshme.
Pajisja mundësohet nga bateria me 5,000 mAh që mbështet mbushjen me 18W.
Realme C17 do të jetë në dispozicion në ngjyrat Lake Green dhe Blue Navy dhe do të ofrohet në treg nga data 24 shtator dhe do të kushtojë vetëm 160 euro.
