Linja e tabletëve rezistues Samsung Galaxy Tab Active është e dedikuar për nevoja të industrisë dhe asaj të afarizmit.
Kompania tabletin e saj të parë Galaxy Tab Active e prezantoi para tri vjetësh – pajisja kishte karakteristika nga segmenti i lartë, rezistues në ujë dhe pluhur, si dhe ndaj goditjeve. Tash kompania po punon në pasardhësin e tij.
Gjiganti jugkorean aktualisht po punon në dy variante Galaxy Tab Active 2: SM-T390 dhe SM-T395. Besohet se versioni SM-T390 është me mbështetje Wi-Fi, derisa modeli SM-T395 ka mbështetje për LTE + Wi-Fi. Samsung do ta publikojë gjeneratën e ardhshme të pajisjeve Galaxy Tab Active në territorin e Evropës dhe Amerikës Jugore.
Aktualisht nuk ka informacione për specifikat e tabletëve të ardhshëm, por sigurisht se do të ketë së shpejti më shumë informacione.
