​Orkestra e Filharmonisë së Kosovës interpreton "Katër stinët" e Vivaldit të rishkruar me të dhëna klimatike

Muzikë

​Orkestra e Filharmonisë së Kosovës interpreton "Katër stinët" e Vivaldit të rishkruar me të dhëna klimatike

Më: 21 nëntor 2021 Në ora: 12:58
Foto ilustrim

Orkestra e Filharmonisë së Kosovës iu bashkua thirrjes së UNDP-së për veprim klimatik duke performuar rishkrimin e veprës katër stinët të vivaldit si thirrje ndërgjegjësimi për krizën klimatike dhe frymëzim për aktivizim. 

Koncerti do të mbahet sonte në sallën e kuqe të Qendrës së Rinisë dhe Sporteve, duke filluar nga ora 19:00.

E titulluar "For Seasons” (Për stinët), partitura muzikore u krijua nga muzikantët e NDR Elbphilharmonie në Hamburg, inxhinierë zëri, zhvillues softuerësh dhe aranzhues muzikorë. Të dhënat klimatike që datojnë që nga viti 1725 u përdorën për të ndërtuar një algoritëm i cili më pas u shfrytëzua në "Katër stinët" e Antonio Vivaldit. Kjo vepër përfaqëson pothuajse 300 vjet të emetimeve globale të dioksidit të karbonit (CO2). Sa më e lartë të jetë vlera e CO2, aq më e gjatë është vlera e notave muzikore. Ndryshimet në stinët e shkaktuara nga ndryshimet klimatike të performuara nga orkestra vështirë harrohen. "Për stinët" është një vepër që të bën të mendosh pasi nuk ka dallim mes Pranverës dhe Verës, këngët e bukura të zogjve janë lënë plotësisht jashtë dhe notat nxjerrin në pah një dimër të fortë dhe të dhunshëm.

Pjesa fillimisht u krijua dhe u performua nga aranzhues muzikorë të udhëhequr nga NDR Elbphilharmonie në Hamburg, së bashku me zhvillues të programeve kompjuterike dhe inxhinierë zëri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat