Tridhjetë gushti, Dita nërkombëtare e personave të pagjetur, për nga rëndësia dhe humanizmi lypset të kujtohet dhe të veprohet çdo ditë të vitit, e jo vetëm njëherë në vit.
Dita botërore e të pagjeturve e duhet të jetë e para detyrë e jona në drejtim të gjetjes së fajtorëve për këto krime njerëzore, dhe për zbardhjen e fatit të personave të pagjetur.
Zoti i Madhërishëm njerëzve ua jep shpirtin dhe jetën sëbashku me riskun për ta jetuar dhe gëzuar.
Njerëzit zemërlig e mëkatarë janë ata që kryejnë krime, shkatërrime, vrasje e rrëmbime, duke ua nxi jetën të tjerëve, dhe duke tua vjedhur lumturinë dhe të drejtën për të jetuar.
Këta njerëz gjakatarë e mizorë është e pashmangshme se do ta marrin dënimin e merituar në këtë jetë dhe në jetën e përtejme.
Një sëmundje e rëndë, ose ndonjë tragjedi familjare janëdisa nga dënimet që mund ti pësojnë njerëzit katilë.
Zoti njerëzve jëtën në këtë botë ua ka dhënë si sprovë, dhe varësisht nga veprimet e mira apo të liga, do të jenë të lumtur në këtë jetë, apo edhe pjesë e xhehenemit në jetën e përtejme.
Vetëm Albin Kurti dhe Vjosa Osmani dhe bashkëmendimtarët dhe bashkëveprimtarët e tyre në Kosovë, me qëndimet e tyre parimore, kanë të drejtë morale e njerëzore ta ngrenë sot zërin, sëbashku me familjarët dhe të afërmit e të pagjeturve, për ti kujtuar të pagjeturit dhe dhe për të kërkuar zbardhjen e fatit të tyre dhe dënimin e kriminelëve serbë.
Të gjithë udhëhqeqësit e derisotëm në Kosovë, qofshin presidentë, kryeparlamentarë, kryreministra, ministra apo deputetë, të cilët tashmë 21 vite nuk u denjuan dhe nuk bënë asgjë për të pagjeturit e Kosovës, janë të mbuluar nga turpi moral e njerëzor për neglizhencën, mosangazhimin dhe zhgënjimin e dëshmuar ndaj personave të pagjetur.
Çfarë dyfytyresi e rëndë është kur i sheh udhëheqësit e derisotëm të Kosov, që pas 21 viteshtë kaluara, i përmendin personat e zhdukur në Kosovë, me premtime boshe e bajate, se tash e tutje do të angazhohen për zbardhjen e fatit të personave të pagjetur dhe për nxjerrjen para drejtësisë të kriminelëve serbë për krimet e kryera në Kosovë.
Çfarë dyfytyrësie e rëndë dhe e ndyrë është, kur udhëheqësit e derisotëm të Kosovës tash pas 21 viteve zotohen, se do ta Themelojnë Tribunalin Ndërkombëtar për Krimet që i kreu Serbia në Kosovë, dhe për ti vënë para drejtësisë kriminelët e Serbisë.
Çfarë dyfytyrësie e rëndë dhe e ndyrë është, kur nga goja e udhëheqësve të derisotën të Kosovës, tash pas 21 viteve dëgjojmë, se do ta themelojnë Muzeun e luftës në Kosovë për ti pasqyruar krimet e Serbisë në Kosovë, dhe ende nuk kanë bërë asgjë konkrete në këtë drejtim.
Çfarë dyfyryrësie e rëndë dhe e ndyrë është, kur analizojmë dialogun e derisotëm Kosovë-Serbi, që e kanë zhvilluar udhëheqësit e derisotëm të Kosovës, duke u ulur ballë për ballë me Aleksandër Vuçiqin, albanofobin, ish anëtarin e partisë së kriminelit Vojisllav Sheshel, dhe bashkëpunëtorin dhe ministrin e kriminelit Sllobodan Millosheviq.
Çfarë dydytyrësie e rëndë dhe e ndyrë është, kur udhëheqësit e derisotëm të Kosovës, në dialogun Kosovë-Serbi kanë shkuar pa unitet të brendshëm politik dhe pa platformë të miratuar në Kuvendin e Kosovës pë këtë dialog.
Çfarë dyfytyrësie e rëndë dhe e ndyrë është, kur udhhëheqësit e derisotëm të Kosovës në dialogun Kosovë-Serbi nuk e kanë vendosur si kusht për këtë dialog, ose si pikë të parë e rëndit të ditës zbardhjen e fatit të 1650 të pagjeturve shqiptarë.
Udhëheqësit e derisotëm të Kosovës në 21 vitet e kaluara me këto sjellje të papërgjegjshme, kanë bërë mëkate të mëdha ndaj personave të pagjetur dhe ndaj tërë viktimave të luftës nga agresioni gjenocidal i Serbisë në vitet 1998/99 në Kosovë.
Udhëheqësit e derisotëm të Kosovës në 21 vitet e kaluara u dalluan vetëm për pasurim të paligjsham, për korrupsion dhe për nepotizëm, me çka e turpëruan veten, i turpëruan famijet e tyre dhe i sollën dëme të mëdha Kosovës viktimë.
Udhëheqësit e derisotëm të Kosovës në 21 vitet e kaluara u dalluan për luftën për pushtet, për karierizmin dhe bajraktarizmin e sëmurë.
Dyfytyrësi të rëndë dhe të ndyrë ndaj Kosovës treguan edhe ndërkombëtarët nëpërmjet EULEX-it, Kryqit të Kuq Ndërkombëtar dhe organizmave tjera ndërkombëtare, me indiferentizmin e tyre ndaj Serbisë agresore gjenocidale dhe ndaj kriminelëve serbë, të cilët në Kosovë kryen dhjetëra mijëra vrasje, masakra e dhunime makabëre, dhe ende nuk janë nxjerrë para drejtësisë për të marë dënimin e merituar.
Dialogu Kosovë-Serbi pa u vënë në binarë të vërtetë duke e shpallur Serbinë agresore gjenocidale dhe Kosovën viktimë, nuk është gjë tjetër veçse farsë e turpshme njerëzore ndaj shqiptarëve të Kosovës..
