Ngacmimi seksual kishte shtyrë që të kryhej një vrasje në qytetin e Pejës javën që shkoi.
Arsimtari Xhevdet Januzaj, ditë më parë dyshohet te ketë vrarë Gëzim Kastratin.
Ndryshe, gjithçka në lidhje me këtë vrasje filloi para dy vitesh. I dyshuari për vrasje kishte ngacmuar seksualisht nxënësen e tij që në atë kohë ishte vetëm 13-vjeçare.
Ndërsa ky rast dhe të tjerë që janë bërë publike ditëve të fundit, kanë shtyrë të rinjtë nga Peja që të protestojnë për vajzat dhe gratë dhe që këto ngacmime të ndalohen njëherë e mirë.
Me pankarta në duar të rinjët e të rejat e Pejës, po kërkojnë që policia të jetë më bashkëpunuese dhe që ato e familjarët e tyre të mos rrezikohen nëse e denoncojnë ngacmimin seksual.
