Dëshmitarja flet për vdekjen e pejanit nga goditja e trenit: Një orë qëndroi i ulur në hekurudhë

Peja

Dëshmitarja flet për vdekjen e pejanit nga goditja e trenit: Një orë qëndroi i ulur në hekurudhë

Më: 21 tetor 2021 Në ora: 23:30
Pamje nga vendi i ngjarjes

Një person është goditur sot për vdekje nga treni në Pejë, ndërkaq dëshmitarët thonë nga vendi i ngjarjes se viktima ka shfaqur sjellje depresive gjatë ditës.

Dëshmitarja B.G tha se viktima ka qëndruar ulur sot në hekurudhë.

“Ka qëndruar një orë ulur në hekurudha, e kemi pa që ka sjellje depresive e kemi lajmëruar Policinë e Kosovës. Kanë ardhë ka ora 17:00 e kanë larguar një herë nga hekurudhat, Policia u dasht me marrë me dërgu në shtëpi e jo me leju me ardhë deri në këtë pikë”, tha dëshmitarja.

Ajo shtoi po ashtu se viktima ishte invalid.

Ndryshe, zëdhënësi i Policisë për Rajonin e Pejës, Fadil Gashi ka konfirmuar se rasti ka ndodhur rreth orës 18:35.

Sipas Gashit, dyshohet se viktima i ka dalë trenit përpara.

“Rreth orës 18:35 kemi pranuar një informatë se treni i cili ishte në lëvizje Prishtinë – Pejë, duke arritur në stacionin e Pejës ka goditur një person për vdekje. Viktima dyshohet se i ka dalë përpara trenit”, deklaroi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat