Quni: Degradimi i miqësisë ndikon në degradimin e Kosovës, të merren parasysh SHBA dhe Britania - Bota Sot
Quni: Degradimi i miqësisë ndikon në degradimin e Kosovës, të merren parasysh SHBA dhe Britania

Politika

Quni: Degradimi i miqësisë ndikon në degradimin e Kosovës, të merren parasysh SHBA dhe Britania

Nga: G.B Më: 14 mars 2019 Në ora: 11:27
Anton Quni

Deportimi i gjashtë shtetasve turq që ndodhi afro një vit më parë, ka bërë që të reagojnë Ambasada Amerikane dhe ajo e Britanisë, duke shprehur shqetësim për këtë rast.

Lidhur me reagimin e Ambasadave dhe atë se kush duhet të marrë përgjegjësi për këtë rast, deputeti i LDK-së, Anton Quni, njëherësh anëtar i Komisionit që u themelua për rastin e shtetasve turq, ka thënë për gazetën “Bota sot” se deportimi i shtetasve turq ka qenë shok për botën e qytetëruar dhe miqtë e shtetit tonë.

“Deportimi i shtetasve turq ishte një "shok" për botën e qytetëruar dhe miqtë e shtetit tonë. Është e papranueshme ideja që; Kosova harton dhe miraton sa e sa ligje sipas përvojave më të mira Perëndimore, por ato janë të zbehta para një autoriteti i cili mundet me i keqpërdor institucionet që të marrin veprime që janë ligjërisht dhe moralisht të pajustifikueshme. Si të tilla del që ligjet në fjalë nuk implementohen e nuk gjejnë zbatim tek ne. Një situatë e tillë është shqetësuese për qytetarët e Kosovës, por edhe për partneret tanë”, është shprehur ai.

Sipas Qunit, vërejtjet e SHBA-së dhe Britanisë duhet të merren si inkurajim që të jepet epilog në rrafshin ligjor, profesional dhe politik dhe se duhet të jetë prioritet ruajtja dhe forcimi i aleancave me shtetet mike.

“Vërejtjet nga SHBA dhe Britania e Madhe duhet t’i marrim si inkurajim që organet e drejtësisë, inspektoriatet e organizatave kompetente dhe mbikëqyrësit demokratik të japin epilog në rrafshin ligjor, profesional dhe politik. Ruajtja dhe forcimi i aleancave me shtetet mike duhet të jetë prioriteti më i lartë shtetëror. Çdo degradim i miqësisë, drejtpërdrejt ndikon në degradimin e situatës politiko-ekonomike të Kosovës. Prandaj, çdo autoritet shtetëror dhe institucional qe vepron në linja që i rrezikon këto raporte bëhet përgjegjës para qytetarëve të Kosovës”, ka deklaruar Anton Quni për “Bota sot”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...